Family — Нууцлалын бодлого

Хүчинтэй огноо: 2026-09-27

Мэдээлэл хариуцагч: «Нолгор арвижих» ХХК (улсын бүртгэлийн регистр 3013944), Монгол Улс · info@familyapp.mn

Энэ бодлого нь Family апп (mn.family.child) болон вэбээр харах хуудсанд (familyapp.mn) хамаарна. Family бол нэг апп: эцэг эх, хүүхэд, гэр бүлийн бусад гишүүн — хүн бүр өөрийн утсан дээр, өөрийн үүргээр ашиглана. Өмнө нь тусдаа байсан «Family — Эцэг эх» (mn.family.parent) аппыг одоо ч ашиглаж буй хүмүүст мөн энэ бодлого үйлчилнэ.

1. Гол зарчим: нуугдмал хяналт БИШ

Family нь хүүхдийн мэдэхгүйгээр ажилладаг тагнуулын хэрэгсэл биш. Хүүхдийн утсан дээр Family апп:

өөрийгөө нууцлахгүй — дүрс тэмдэг нь дэлгэц дээр харагдана;
байршил илгээж байх үед байнгын мэдэгдэл харуулна (Android) эсвэл статус мөрний байршлын заагчийг асаана (iOS);
«Юу хуваалцаж байна вэ» дэлгэц дээр яг ямар мэдээлэл, хэнд, хэзээ илгээгдсэнийг хүүхэд өөрөө хардаг;
хуваалцахыг түр зогсоох, гэр бүлээс гарах хүсэлт илгээх товчтой.

Насанд хүрэгчид: зөвхөн өөрийн зөвшөөрлөөр

Гэр бүлийн насанд хүрсэн гишүүн бүр (эцэг эх, эхнэр нөхөр, насанд хүрсэн хүү охин, өвөө эмээ) байршлаа зөвхөн өөрөө хүсвэл хуваалцана. Үүнийг хэн ч түүний өмнөөс шийдэхгүй — гэр бүлийн эзэн ч, төлбөр төлөгч ч биш.

Гурван төлөв: хуваалцаж байна / түр зогсоосон / хуваалцахгүй. Аппын Тохиргоо → «Миний байршил»-аас хэний ч зөвшөөрөлгүй, тэр дороо өөрчилнө. Гэр бүлээс ч өөрөө гарна.
Харилцан л харна: өөрөө хуваалцаагүй насанд хүрэгч бусад насанд хүрэгчийн байршлыг харахгүй. (Эцэг эх насанд хүрээгүй хүүхдээ хэвээр харна.)
Зогсооход: сүүлийн цэг серверээс арилна, цаашид байршил хадгалагдахгүй. Бусдад зөвхөн «түр зогсоосон / хуваалцаагүй» гэсэн үнэн төлөв харагдана — мэдэгдэл очихгүй, хуурамч байршил үзүүлэхгүй.
Явсан зам: насанд хүрэгчийн замын түүхийг бусдад харуулахгүй, огт хадгалахгүй — зөвхөн сүүлийн цэг.
Хяналтгүй: дүрэм, даалгавар, апп хязгаар, хурд, «чимээгүй боллоо», «гэртээ ороогүй» сэрэмжлүүлэг насанд хүрэгчид үйлчлэхгүй. «Гэртээ ирлээ» мэдэгдлийг зөвхөн өөрөө асаавал илгээнэ.
18 хүрэхэд: хүүхдийн төрсөн он (зөвхөн он) бүртгэгдсэн бол 18 хүрэх жилийн эхнээс тэр хүн автоматаар энэ горимд шилжинэ. Эцэг эхийн өмнө өгсөн зөвшөөрөл тэр өдрөөс хүчингүй — өөрөө шинээр зөвшөөрөх хүртэл байршил цуглуулахгүй, өмнөх замын түүх устна.
Сануулга: байршлаа хуваалцаж буй насанд хүрэгчид сард нэг удаа «та байршлаа хуваалцаж байна» гэж сануулна — мартагдсан, нууц хуваалцалтаас сэргийлнэ.
Ганц үл хамаарах: хүүхдийн «Ирж ав» дуудлагад «Ирж байна» гэж өөрөө дарсан эцэг эхийн байршил ирж явах хооронд зөвхөн дуудсан хүүхдэд харагдана; дуудлага дуусмагц арилна.

Төлбөртэй багц нь боломж (түүх, мэдэгдэл, гишүүний тоо) нээдэг болохоос бусад хүний мэдээлэлд хандах эрх олгодоггүй.

2. Цуглуулдаг мэдээлэл

Төрөл	Юу	Яагаад	Хэнд харагдах
Байршил (нарийвчилсан)	өргөрөг, уртраг, нарийвчлал, цаг	гэр бүлд байршил харуулах, бүсэд орох/гарахыг мэдэгдэх	хүүхдийнх — гэр бүлийн эцэг эх, асран хамгаалагч; насанд хүрэгчийнх — зөвхөн өөрөө хуваалцаж буй үед, мөн хуваалцаж буй гишүүдэд
Төхөөрөмжийн төлөв	батарейн хувь, цэнэглэж буй эсэх, үйлдлийн систем	«утас унтарлаа», «цэнэг багасч байна» гэдгийг мэдэхэд	зөвхөн гэр бүл
Төрсөн он (сонголтоор, хүүхэд)	зөвхөн он — сар, өдөр биш	18 хүрэхэд насанд хүрэгчийн (өөрийн зөвшөөрлийн) горимд автоматаар шилжүүлэхэд	зөвхөн гэр бүлийн эцэг эх
Байршил хуваалцах төлөв	хуваалцаж байна / түр зогсоосон / хуваалцахгүй, хугацаа	насанд хүрэгчийн сонголтыг хэрэгжүүлэх, бусдад үнэн төлөв харуулах	зөвхөн гэр бүл
Нэр, профайл зураг	хэрэглэгчийн өөрөө оруулсан	гэр бүлийн гишүүдийг ялгахад	зөвхөн гэр бүл
Мэдэгдлийн токен	FCM/APNs токен	мэдэгдэл хүргэхэд	зөвхөн сервер
Нэвтрэлт (сонголтоор)	утасны дугаар; эсвэл улсын ДАН системээр баталгаажсан овог нэр. Регистрийн дугаарыг хадгалахгүй — зөвхөн эргэлтгүй хэш. ДАН-аас ирэх зураг, хаяг зэргийг авмагц устгана	нууц үггүй нэвтрэх, утсаа алдахад бүртгэлээ сэргээх	зөвхөн сервер
Вэбээр харах нэвтрэлт	хөтчийн төрөл (user-agent), нэвтэрсэн ба сүүлд хандсан цаг. Cookie ашиглахгүй; нэвтрэлтийн түлхүүр зөвхөн тухайн хөтчийн цонхонд, хэшлэгдсэн хэлбэрээр л серверт	код гаргасан гишүүнд «хэн нэвтэрснийг» харуулах, гаргах боломж олгох	зөвхөн код гаргасан гишүүн
Багц, төлбөр	багцын хугацаа, нэхэмжлэхийн дүн, төлөв. Картын болон дансны мэдээлэл бидэнд ирэхгүй — төлбөрийг банк, QPay шийднэ	төлсөн багцыг идэвхжүүлэх, баримт	гэр бүлийн эзэн, сервер
Зөвшөөрлийн бүртгэл	зөвшөөрсөн бичвэрийн хувилбар, огноо	зөвшөөрлийг нотлох (хуулийн шаардлага)	зөвхөн сервер
Аппын хэрэглээ (зөвхөн Android, хүүхдийн утас)	сошиал аппуудын өдрийн хэрэглээний минут	эцэг эхийн тавьсан цагийн хязгаарыг хэрэгжүүлэхэд	утаснаас гардаггүй — зөвхөн төхөөрөмж дээр боловсруулагдана

Бид цуглуулдаггүй: харилцагчийн жагсаалт, зурвас, дуудлагын түүх, вэб хөтлөлтийн түүх, микрофон, камерын бичлэг, зар сурталчилгааны танигч.

3. Мэдээллийг хэрхэн ашигладаг

Зөвхөн үйлчилгээг ажиллуулахад: байршлыг гэр бүлийн гишүүдэд харуулах, бүсийн мэдэгдэл, SOS дохио, өдрийн тойм, сарын дүн.

Бид мэдээллийг зардаггүй, зар сурталчилгаанд ашигладаггүй. Аналитик, зар сурталчилгааны SDK ашигладаггүй.

Үйлчилгээ үзүүлэгчид

Үйлчилгээг ажиллуулахад зайлшгүй дараах байгууллагуудаар дамжина. Тэд мэдээллийг зөвхөн тухайн үйлдлийг гүйцэтгэхэд ашиглана:

Hetzner Online GmbH (Герман) — сервер байрлуулах (өгөгдлийн сан энд хадгалагдана);
Google Firebase Cloud Messaging, Apple Push Notification service — утсанд мэдэгдэл хүргэх. Мэдэгдлийн богино бичвэр (жиш. «Номин сургуульдаа ирлээ») тэдгээрээр дамжина; координат илгээгдэхгүй;
Улсын ДАН систем (Үндэсний дата төв) — зөвхөн хэрэглэгч ДАН-аар нэвтрэхийг сонгосон үед;
QPay, банкууд — зөвхөн төлбөр хийх үед (бид картын мэдээлэл авдаггүй).

Газрын зураг дээрх хаяг хайх, зам тооцоолох үйлчилгээ нь манай өөрийн серверт ажилладаг — байршлыг гуравдагч этгээдэд илгээдэггүй.

4. Хэн харах вэ

Тухайн гэр бүлийн эцэг эх, урьсан асран хамгаалагч. Өвөө эмээ зөвхөн ХАРАХ эрхтэй — дүрэм өөрчлөх, хүүхэд хасах эрхгүй.
Насанд хүрсэн гишүүн — зөвхөн өөрөө байршлаа хуваалцаж байх үед, мөн адил хуваалцаж буй гишүүдийг.
Хүүхэд өөрөө — өөрийн бүх мэдээллийг апп дотроосоо хардаг.
Өөр гэр бүлийн хэрэглэгч хэзээ ч харахгүй.

⚠ Хүүхдийн утсан дээр эцэг эхийн түүхий координат харагддаггүй — зөвхөн бүсийн нэр («Гэрт», «Ажил дээр») эсвэл хугацаа харагдана.

Хууль ёсны шаардлага. Эрх бүхий байгууллага (цагдаа, шүүх, прокурор) Монгол Улсын хуульд заасан үндэслэл, албан бичгээр мэдээлэл шаардвал бид зөвхөн тухайн хүн, тухайн хугацаа, шаардсан төрлийн мэдээллийг гаргана. Хүсэлт бүр (байгууллага, албан бичгийн дугаар, үндэслэл, гаргасан мэдээллийн хүрээ, файлын хэш) бүртгэгдэж 5 жил хадгалагдана; хууль хориглоогүй бол хэрэглэгчид мэдэгдэнэ. Байршлын түүх 30 хоног хадгалагддаг тул үүнээс хуучин мэдээлэл өгөх боломжгүй.

5. Хадгалалт, байршил

Сервер: Hetzner (Герман), шифрлэгдсэн HTTPS холболтоор. Гадаадад хадгалахад апп анх нээхэд тусад нь зөвшөөрөл авна.
Байршлын түүх: 30 хоног (үнэгүй багцад 5 хоног — апп дотор харагдахгүй ч хадгалагдаж, Бүрэн багц идэвхжүүлэхэд нээгдэнэ; «Миний мэдээлэл»-ээр хэдийд ч татаж болно), дараа нь автоматаар устана.
Үйл явдлын жагсаалт (бүсэд орсон/гарсан, «Ирж ав», check-in болон түүний зураг): 30 хоног, дараа нь автоматаар устана.
Насанд хүрэгчийн (эцэг эх, эхнэр нөхөр, насанд хүрсэн гишүүн) байршлын түүх: хадгалагддаггүй — зөвхөн сүүлийн цэг; хуваалцахаа зогсооход тэр цэг ч арилна.
Мэдэгдлийн токен: төхөөрөмж холбоогүй болмогц устана.
Вэбээр харах нэвтрэлт: 12 цагийн дараа хүчингүй болж, бүртгэл нь 7 хоногийн дотор устна. Вэбээр зөвхөн харна — өөрчлөлт хийх боломжгүй.

6. Хэрэглэгчийн эрх

Устгах: эцэг эх аппаас хүүхдийг гэр бүлээс хасахад тухайн хүүхдийн бүх мэдээлэл (байршил, үйл явдал, даалгавар) бүрмөсөн устна.
Гэр бүл бүхэлдээ устгах: info@familyapp.mn хаягаар хүсэлт илгээвэл 30 хоногийн дотор бүрэн устгана.
Хуулбар авах: аппын Тохиргоо → «Миний мэдээлэл» (хүүхэд: нүүр хуудасны доод хэсэг) — сүүлийн 30 хоногийн мэдээллээ zip файлаар шууд татна.
16 хүрээгүй хүүхэд: мэдээллийг нь цуглуулахад эцэг эх, хууль ёсны асран хамгаалагч зөвшөөрөл өгдөг — хүүхэд нэмэх код гаргах бүрд баталгаажуулж, бүртгэнэ.
Зөвшөөрөл цуцлах (насанд хүрэгч): Тохиргоо → «Миний байршил» — хэний ч зөвшөөрөлгүй, тэр дороо; «Гэр бүлээс гарах» мөн адил.
Зөвшөөрөл цуцлах (хүүхэд): хүүхэд хуваалцахыг түр зогсоох, гарах хүсэлт илгээх боломжтой; байршлын зөвшөөрлийг утасны тохиргооноос хэзээ ч хасаж болно.

7. Хүүхдийн нууцлал

Family нь эцэг эхийн зөвшөөрөл, оролцоотойгоор ажилладаг гэр бүлийн хэрэгсэл. Хүүхэд гэр бүлд зөвхөн эцэг эхийн үүсгэсэн 6 оронтой кодоор нэгдэнэ — өөрөө бүртгүүлэх боломжгүй.

Хүүхдэд зар сурталчилгаа харуулдаггүй, худалдан авалт санал болгодоггүй, гуравдагч этгээдийн аналитик байхгүй. Багцын төлбөрийг зөвхөн эцэг эх (гэр бүлийн эзэн) хийнэ.

8. Аюулгүй байдал

Бүх холболт HTTPS (TLS 1.2+).
Төхөөрөмжийн түлхүүр нь утсанд SecureStore (Android Keystore / iOS Keychain) дотор хадгалагдана.
Вэбээр харахад 10 минут хүчинтэй, нэг удаагийн код ашиглагддаг — түлхүүр хөтөчид очихгүй, хуулагдаж тардаггүй.
Удирдлагын самбарт байршлын координат харагддаггүй; өгөгдлийн сангийн нөөц хуулбарт зөвхөн хариуцсан ажилтан хандана.

9. Өөрчлөлт

Энэ бодлогод өөрчлөлт орвол аппын дотор мэдэгдэж, шаардлагатай бол зөвшөөрлийг дахин асууна. Өмнөх хувилбарыг хүсэлтээр өгнө.

10. Холбоо барих

«Нолгор арвижих» ХХК · улсын бүртгэлийн регистр 3013944 · Монгол Улс

info@familyapp.mn

Family апп, түүний програм хангамж, дизайн, лого нь «Нолгор арвижих» ХХК-ийн оюуны өмч бөгөөд Монгол Улсын Зохиогчийн эрхийн тухай хууль, Оюуны өмчийн тухай хуулиар хамгаалагдана.